لاہور(پ ر) اتحاد اساتذہ کے جنرل سیکرٹری پروفیسر محمد عارف نے اپنے ایک بیان میں کہا ہے کہ تنخواہوں کے اضافے کے معاملے پرسرکاری ملازمین کی حق تلفی نہ کرے۔ڈالر کی قیمت میں اضافے اور مہنگائی کی شرح بڑحنے سے ملازمین کی حقیقی آمدنی میں واضح کمی ہوئی ہے۔جس پر ہمدردانہ توجہ دینا حکومت کا کام ہے۔ذرئع کے مطابق پے اینڈ پنشن کمیشن کی ایک رپورٹ میں کہا گیا ہے کہ اس نے دس فیصد تنخواہیں اور پنشن بڑھانے کی سفارش کی تھی جس پر 25 ارب کے اخراجات آنے تھے جبکہ حکومت کے پاس 80 ارب موجود تھے۔اطلاع کے مطابق وسائل دستیاب ہونے کے باوجود آئی ایم ایف نے ایسا کرنے کی اجازت نہیں دی۔اگر حکومت ایسا کر دیتی تو اگرچہ یہ اضافہ کم ہوتا لیکن اسے ان حالات میں قبول کر لیا جاتا لیکن واغح انکار نے ملازمین کے جذبات کو مشتعل کر دیا۔اتحاد اساتذہ ایک مرتبہ پھر حکام کو مشورہ دیتی ہے کہ معمولی اشک شوائی ملازمین کے مسائل میں تخفیف کر سکتی ہے اور حکومت اور ملازمین کے درمیان تصادم کی فضا کو ختم کر سکتی ہے۔ لہذا فی الفور دانشمندانہ اقدام کر کے یہ معمولی اضافہ کردیا جائے۔
حکومت تنخواہوں کے معاملے پرنظرثانی کرکے تصادم کی فضا کوختم کرے ،اتحاداساتذہ
