پی پی ایل اے اور اتحاد اساتذہ کا وفد اظہار یک جہتی کے لئے شریک ہوگا
تعلیمی اداروں کی خود مختاری پر حملہ برداشت نہیں کیا جائے گا
لاہور( پ ر) پنجاب حکومت یونیورسٹیوں میں سرکاری عمل داری بڑھانے اور ان کی خودمختاری ختم کرنے کے لیے یونیورسٹیز ایکٹ میں ترامیم لانے کے منصوبے بنا رہی ہے۔ بل صوبائی اسمبلی سے منظوری کے بعد ایکٹ بنے گا۔ فیڈریشن آف آل پاکستان یونیورسٹییز اکیڈمک سٹاف ایسوسی ایشن(فپواسا) اس کے لیے سراپا احتجاج ہے اورآج 30جون کو 1.30 بجے دوپہرپنجاب اسمبلی کے سامنے احتجاجی مظاہرہ کر رہی ہے۔ پی پی ایل اے اور اتحاد اساتذہ نے فیصلہ کیا ہے کہ ۔۔ان کا ایک وفد اس مظاہرے میں شریک ہوگا اور یونیورسٹی اساتذہ سے اظہار یکجہتی کرے گا۔اظہار یک جہتی کا مقصد حکومت پر یہ واضح کرنا ہے ہے کہ سرکاری تعلیمی اداروں کی خود مختاری پر کسی قسم کا حملہ برداشت نہیں کیاجائے گا۔